Limang Mahahalagang Tanong sa Sarili ng Isang Modernong Pilipino na Nag-iipon

Sabi nga sa isang kanta, “Catch a falling star and put it in your pocket. Save it for a rainy day.”

Magtago ka ng sobra sa kinita mo ngayon at tiyak na hindi ka mahihirapan kapag dumating sa iyo ang panahon ng kagipitan.

Ang mga sumusunod ay mga katanungan na maaari nating tanungin sa ating mga sarili upang makasiguro na talagang nakakapagtabi tayo para sa rainy days or para sa panahon ng kagipitan:

1. Sumusunod ba ako sa badyet ko?

Ano pa ang silbi ng paggawa mo ng lingguhan o buwanang badyet kung hindi mo rin lang ito suundin. Nagsayang ka na ng oras. Hindi ka din nakapagtabi.

Kailangan ng isang pinoy na maging disiplinado sa pagmanage ng kanyang mga gastusin. Kung hindi naman for emergency purposes ang gastusin ay mainam na wag na lang gawin.

Mainam din na magtalaga ng isang bank account na madaling mawithdraw bilang iyong emergency fund. Sabi nila ang emergency fund ay ang pondo na iyong itatabi para sa mga gastusing hindi planado. Madalas na katumbas dapat nito ay at least six months ng iyong sahod o anumang halaga na kakailanganin mo upang makasurvive ng at least six months kahit wala ka pang trabaho at habang ikaw ay nasa estado ng paghahanap ng lilipatang trabaho.

2. Mayroon ba akong sapat na pasensya?

Matagal na paghihintay ang kailangan upang mapalaki ang buwanang ipon mo.

You have to keep your eyes on the goal. Palaging isipin na lalaki din ito. Konting disiplina lang ang kailangan upang ma-achieve ang inyong goals at maging financially free.

Isipin mo na lang na sa paraang ito, sa nalalapit na hinaharap ay magiging debt-free ka na.

3. Napupuno na ba ako ng mga gamit sa bahay na hindi ko naman napapakinabangan?

Ang pera kapag nagastos mo na sa isang bagay na wala naman kinikita ay perang hindi na babalik. Kaya minsan ang ilang mga nagpapautang na kumpanya ay tinatanong kung saan mo gagamitin ang iyong uutanging pera. Mas kaaya-ayang pautangin ang isang tao na gagamitin ang perang uutangin sa negosyo kesa sa panghanda sa kanilang piyesta o kaarawan. Kapag sa negosyo nilagay ang pera, maari pa itong kumita at magdagdag ng pera sa kaniyang mga owners.

4. Nakakapagbigay na din ba ako sa kapwa?

May isang relihiyon na nagsasabing ibigay sa Diyos ang sampung porsiyento ng iyong kinita dahil ang 100% na kinita mo ay galling din sa kanya. Huwag nating ipagdamot sa kapwa natin ang mga biyayang ating natatanggap mula sa Panginoon. Mas mabuti nang tayo ang tumutulong kaysa tayo ang mangangailangan ng tulong.

5. Ako nga ba ay nagiging paranoid na sa pagtitipid?

Minsan hindi na nagiging maganda ang sobrang pagtitipid. Lalo na kapag ang isang tao ay ikino-kumpromiso na nya ang kanyang pangunahing pangangailangan upang makapag-tabi lang. Dapat ay may balance pa din. Hindi masama na bawasan ng konti ang sobra sa kinita mo sa isang buwan to treat yourself and your love ones.

Ang pera madaling kitain. Ang pagmamahal ng pamilya, kalusugan at pananampalataya sa Diyos ay dapat pa ring priority ng bawat modernong Pinoy.

Source:

https://thriftymrsb.com/saving-money-5-questions-ask/

https://gentwenty.com/save-money-short-amount-time/